Наманган вилояти Чуст туманида яшовчи 93 ёшли Кўпайсин момо Сотиволдиёвага илк бор туғилганлик ҳақидаги гувоҳнома топширилди. Бу ҳақда Адлия вазирлиги маълум қилди.

Онанинг шахсий ҳужжатларини тиклаш мақсадида туман адлия бўлими томонидан судга мурожаат қилинган. Текширувлар давомида Кўпайсин момонинг 1933-йил 2-март куни туғилгани расман тасдиқланди.

Суд қароридан сўнг, онанга туғилганлик гувоҳномаси расмий тарзда топширилди. Ушбу ҳужжат унинг келгусидаги ижтимоий ва ҳуқуқий масалаларни ҳал этишда муҳим аҳамиятга эга бўлади.