Ҳукуматнинг 2026 йил 18 майдаги 250-сон қарори билан “Алишер Навоий номидаги халқаро ўзбек тили олимпиадасини ташкил этиш ва ўтказиш тартиби тўғрисида”ги низом тасдиқланди.

Низомга кўра, олимпиадада 14–18 ёшли хорижда яшовчи ватандош мактаб ўқувчилари якка ёки жамоавий тарзда иштирок этади.

Халқаро олимпиада ҳар йили икки босқичда:
— тест синовлари;
— ёзма иш (эссе) шаклида ўтказилади.

Иштирокчилар онлайн ва офлайн форматда қатнашиши мумкин.

Ғолиб ва совриндорлар олтин, кумуш ва бронза медаллари, диплом ҳамда эсдалик совғалари билан тақдирланади.