Маълум бўлишича, жорий йил 20 май куни соат 16:00 ларда вояга етмаган З.А. бошқарувида бўлган “Malibu 2” русумли автомашина Қўқон шаҳар А. Темур кўчасида ҳаракатланиб кетаётган вақтда пиёдалар ўтиш жойидан ўтаётган 2016 йилда туғилган уч нафар вояга етмаган қизларни уриб юборган.

Натижада вояга етмаган М.К. олган тан жароҳатлари оқибатида шифохонада вафот этган.

Мазкур ҳолат юзасидан З.А.га нисбатан Ўзбекистон Республикаси ЖКнинг 266-моддаси 2-қисми билан жиноят иши қўзғатилиб, ЖПКнинг 221-моддаси тартибида ушланган.

Ҳозирда дастлабки тергов ҳаракатлари олиб борилмоқда.

Ҳурматли ота-оналар, вояга етмаган ва ҳайдовчилик гувоҳномасига эга бўлмаган фарзандларингизнинг автомобил бошқаришига йўл қўйманг. Акс ҳолда бундай оғир оқибатлар юзага келиши мумкин. Огоҳ бўлинг!