Ўзбекистон Республикаси Президентининг “Тошкент метрополитени фаолияти самарадорлигини оширишга доир қўшимча чора-тадбирлар тўғрисида”ги ПҚ-191-сон қарори 2026 йил 15 май куни қабул қилинди.

Қарорга кўра:

— Метрополитен бошқаруви тизимига илғор халқаро тажрибани жорий этиш ҳамда хизмат кўрсатиш сифатини ошириш мақсадида раҳбарлик лавозимларига хорижлик экспертларни жалб қилиш механизми йўлга қўйилади.

— 2026 йил август ойидан бошлаб халқаро headhunter ташкилотлари ва нуфузли қидирув платформалари орқали чет эллик мутахассисларни, жумладан хориждаги ватандошларни жалб қилиш бўйича очиқ танловлар эълон қилинади.

— 2027 йил январ ойидан хорижий мутахассисларни “Тошкент метрополитени” АЖ таркибига ишга қабул қилиш бошланади.

— 2027 йил якунига қадар жамият бошқарувидаги камида 2 нафар раҳбарлик лавозими халқаро даражадаги малакали мутахассислар ҳисобидан тўлдирилиши мажбурий этиб белгиланди.