Хива хонлиги тарихига назар солсак, хонларнинг ёнида кўплаб Бош вазирлар ўтишган. Уларнинг аксарининг номлари тарих зар варақаларидан ўчиб кетган. Хива хони Асфандиёрхоннинг қайнотаси бўлган Исломхўжа ўзининг ислоҳотлари билан тарихдан муносиб жой олди. Ушбу мақолада Исломхўжа уйидан тайёрланган фоторепортажни кўришингиз мумкин.

Исломхўжа Иброҳимхўжанинг иккинчи ўғли бўлиб, 1872 йилда туғилган. Бадавлат ва обрўли оилада ўсган Исломхўжа ёшлигидан яхши тарбия олди. Олдин у махсус ўқитувчилар ёрдамида савод чиқарди, кейинчалик эса мадрасада ўқиди.

Отаси 1882 йилда вазир лавозимига тайинланиб, оиласи Хивага кўчгандан сўнг, ёш Исломхўжа хоннинг фарзандлари билан бирга саройда тарбияланди. 1889 йилда вазир Иброҳимхўжа вафот қилган вақтда унинг ўғли 15 ёшлик Исломхўжа хонликнинг Бош закотчиси ҳисобланарди.

Исломхўжа 26 ёшида Бош вазир бўлган ХХ аср бошларидаги ўта мураккаб сиёсий шароитда Сайид Исломхўжа хонликда саноат ва қишлоқ хўжалик ишларини йўлга қўйиш, савдо-сотиқни ривожлантириш ва маданий ҳаётни жонлантириш ишларига катта эътибор берди.

Исломхўжа уйи Хиванинг Дишан қалъа қисмида Нуруллабой мадрасаси ёнида жойлашган.

• Ibrohimxo'ja
• Islomxo'ja
• Хива
• qal'a