Навоий вилоятида 47 нафар йўловчи бўлган автобус иштирокида содир бўлган йирик йўл-транспорт ҳодисаси юзасидан суд ҳукми эълон қилинди. Фожиа оқибатида уч нафар инсон, жумладан бир нафар вояга етмаган бола ҳалок бўлган эди.Суд қарорига кўра, автобус ҳайдовчиси айбдор деб топилиб, унга 10 йил муддатга озодликдан маҳрум қилиш жазоси тайинланди.

Суд мажлисида ҳайдовчи ҳодиса вақтида сув идишининг қопқоғини излаш билан чалғиб қолгани ва шу сабабли транспорт воситаси устидан назоратни йўқотганини маълум қилди. Оқибатда автобус йўлдан чиқиб кетиб, ағдарилган ва оғир йўл-транспорт ҳодисаси содир бўлган.Мазкур воқеа транспорт бошқарувида ҳатто бир лаҳзалик эътиборсизлик ҳам қайтариб бўлмас оқибатларга олиб келиши мумкинлигини яна бир бор кўрсатди.           

Суд ҳукми билан ҳайдовчига нисбатан қонунчиликда назарда тутилган жазо чораси қўлланилди.