Анор ўзбеклар хуш кўриб истеъмол қиладиган фойдали мевалардан биридир. Унинг ўзи кўплаб дардларга даво, қувват ва шифо манбаи бўлса, ундан тайёрланадиган табиий анор суви эса инсоннинг иммун тизимини фаоллаштиради, иштаҳани очади, тетиклаштириб, ортиқча уйқудан халос этади.

Унда, C, K, B ва B9 витаминлари ва 15 та аминокислота мавжуд. Анор калий, мис, фосфор, магний, йод ва темир каби минералларга бой. Анордаги темир моддаси яхши сингдирилади. Айнан шунинг учун камқонликда бир кунда камида бир пиёла анор сувини ичиш тавсия қилинади.

Олимлар анор холестерин миқдорини камайтиришини ва қон томирларидаги тошмаларга қарши курашишини аниқлашган. Шунингдек, у юракни мустаҳкамловчи қувватга эга. Мева қаришдан ҳимоя қилади. Ундаги А уролитин моддаси организмни ёш ҳолатда сақлайди.

Биласизми, анор саратонга қарши хусусиятларга эга. Унинг таркибида организмда хавфли ўсмалар пайдо бўлишига қаршилик кўрсатувчи эллаготанин моддаси мавжуд. Анорни ёки сувини ҳар куни истеъмол қилиш саратон касалликларига чалиниш эҳтимолини бир неча марта пасайтиради.

Гемоглобин – таркиби темирдан иборат оқсил ҳисобланади. Гемоглобин етишмаслигида одам кўнгил айниш, заифлик ва тез чарчашни ҳис қилиши мумкин. Агар сизда гемоглобин миқдори кам бўлса, ҳар куни 150-200 мл дан янги сиқилган анор шарбатини ичиш лозим.

• Мева
• anor sharbati