Мунтазам кузатувлар тарихидаги энг паст денгиз музлиги Антарктидада қайд этилган. Арктика ва Антарктика тадқиқот институти хабарига кўра, олимлар охирги марта бундай рақамларни 44 йил аввал кўришган.

Жорий йилнинг феврал ойида Антарктика денгиз музининг майдони тахминан 1,8 миллион квадрат километрни ташкил этди. Бу 1979 йилдан бери Антарктидадаги музлик ҳолатини мунтазам кузатиш давридаги энг паст кўрсаткичдир. Қайд этилишича, ўтган йилнинг феврал ойида Антарктика денгиз музининг майдони 1,92 миллион квадрат километрни ташкил қилган.

Бундан ташқари, иссиқ мавсумда сўнгги етти йил ичида бутун Жанубий океаннинг минимал муз қоплами кузатилди. Антарктида ёзида тахминан 18 миллион квадрат километр денгиз музи эриб кетган.

Бунинг бир қанча сабаблари бор, дейди олимлар. Улардан асосийси Антарктика айлана қутб оқимидир. Бу жанубий океанни ўраб турган Ғарбий шамолларнинг оқими сифатида ҳам танилган. Иқлим ўзгариши билан ғарбий шамолларнинг ҳукмронлиги айланма оқимларни оширади. Бу сузувчи музга илиқ сувнинг кириб келишига олиб келади.

• Antarktida
• Lifestyle
• қизиқарли