“Apple” компанияси Буюк Британия, Германия, Италия ва Испанияда янгиланган “iPhone 13” серияли смартфонларини сотишни бошлади. Кейинчалик улар бошқа мамлакатларда, шу жумладан Америка Қўшма Штатларида пайдо бўлиши кутилмоқда.

Ҳозирча бу форматда фақат миднайт (гаджетлар учун тақдим этилган ғайриоддий рангли корпус) “iPhone 13” мини, шунингдек, графит (углерод элементининг кристалл шакли) вариантидаги “iPhone 13 Pro” ва “iPhone 13 Pro Max” мавжуд. Барча ҳолатларда чегирма 15 фоизни ташкил қилади.

Таъкидланишича, модель ва ранг мавжудлиги мамлакатга ва қайта ишлаб чиқарилганлигига қараб фарқланади.

Расмий янгиланган “iPhone”лар “Apple” қайта сотиш учун қулай ҳолатга келтирган фойдаланилган қурилмалардир. Бироқ, бунда ишлатилган гаджетларда жуда кам янгилик бўлади: қурилмаларни сотишдан олдин улар батарея ва корпус ўзгартирилади, тозаланади, синовдан ўтказилади ва янги зарядловчи кабел билан янги қутига жойлаштирилади. Бундай “iPhone” чекланган 12 ойлик кафолатга эга бўлади, фойдаланувчилар ҳатто “AppleCare +”дан (компаниянинг кенгайтирилган кафолат режалари ва қурилмалари учун техник ёрдам хизмати) ҳам фойдаланшилари мумкин.

Яни версияни эскиларидан қандай фарқлаш мумкин?

Бундай қурилмани эскиларидан фарқлаш осон: қутида смартфон тасвири ўрнига фақат модель номи ва “Apple Certified Pre-Owned” ёзуви босилган. Янгиланган “iPhone”ларнинг барча қутилари оқ рангда, шунинг учун Про версияларида фарқ янада сезиларли: янги смартфонлар учун улар қора рангда бўлиши керак.

Юқори эҳтимоллик билан бундай қурилмалар яқин орада Ўзбекистонда ҳам пайдо бўлади. Ҳамма сотувчилар смартфоннинг расман янгиланганлигини сизга маълум қилмаслиги мумкин шунинг учун сотиб олишдан олдин қадоқларга эътибор беринг.

Агар сиз қадоқланган эмас, балки ишлатилган смартфонни сотиб олсангиз ва пулни тежаш учун қутисиз моделни олишга тайёр бўлсангиз, созламалар бўлимидан қурилма ҳақидаги маълумотларга қаранг. Қайта тикланган модел рақамидаги Ф ҳарфи билан бошланади, янгиси эса М ҳарфи билан бошланади. Шунингдек, ушбу сценарийда смартфонни фаоллаштириш блокировкаси бор-йўқлигини текшириш зарар қилмайди.

Қайд этиш мумкин, “iPhone” дунёдаги энг кўп сотиб олинувчи ва Apple корпорацияси томонидан ишлаб чиқилган смартфонлар серияси ҳисобланади. Улар iOS операцион тизими остида ишлайди, бу мобил қурилмада ишлаш учун macOS’нинг соддалаштирилган ва оптималлаштирилган версиясидир. “iPhone” биринчи марта 2007 йил 9 январда “Macworld Expo” кўргазмасида Стив Жобс томонидан намойиш қилинган.

• Apple
• iPhone