Бу ҳақда Оқ уй матбуот котиби Керолайн Левитт брифинг чоғида маълум қилган.

Мексика ва Канададан импорт қилинадиган маҳсулотлар учун 25 фоиз божхона тўлови қўйилади, Хитойдан импорт учун эса 10 фоиз бож белгиланди.

Доналд Трамп Мексика ва Канадага қарши бож жорий қилиш режасини илк бор 2024 йил ноябрь ойида, сайловдаги ғалабасидан сўнг эълон қилган эди. У бу чорани АҚШга ноқонуний мигрантлар ва наркотик моддалар, хусусан, фентанил оқимини тўхтатиш билан изоҳлаган. Трамп 20 январь куни инаугурация маросимида яна божхона тарифлари жорий этилишини тасдиқлаб, улар 1 февралдан кучга киришини айтган эди.

Канада, Мексика ва Хитой – АҚШнинг учта энг йирик савдо ҳамкорлари ҳисобланади. Axios нашрининг ёзишича, ушбу мамлакатларга қарши божлар жорий этилиши уларнинг жавоб чораларига сабаб бўлиши мумкин, бу эса бизнес ва истеъмолчилар учун иқтисодий йўқотишларга олиб келиши эҳтимоли юқори.

• АҚШ
• Davlat boji
• Канада
• Мексика
• Хитой