Туркияда оғир ҳаётий вазиятга тушиб қолган ўзбекистонликларга зарур консуллик-ҳуқуқий ёрдам кўрсатиш чоралари доирасида, шу йилнинг 16 октябрь куни Ўзбекистон Республикаси Бош консулхонаси дипломатлари Сакаря вилоятидаги жазони ижро этиш муассасасига ташриф буюришган. Бу ҳақда Ўзбекистон Республикасининг Истанбул шаҳридаги Бош консулхонаси хабар бермоқда.

Ташриф давомида ҳибсда сақланаётган бир қатор Ўзбекистон фуқаролари билан консуллик учрашувлари ўтказилиб, уларга зарур ҳуқуқий маслаҳатлар берилиб, кейинчалик суд жараёнларида уларни ҳимоя қилаётган адвокатлар билан ҳам алоҳида ҳуқуқий маслаҳатлашувлар амалга оширилади.

Гиёҳвандлик воситалари ва психотроп моддаларни сақлашда гумонланиб, 2024 йилдан буён Сакаря вилоятидаги жазони ижро этиш муассасасида сақланиб келинган Ўзбекистон фуқароси Ф.А., жорий йилнинг 30 октябрь куни бўлиб ўтган навбатдаги суд мажлиси қарорига асосан суд залидан озодликка чиқарилган.

• Ўзбекистонлик
• Суд
• Туркия
• diplomat
• fuqaro
• ozodlik