АҚШ бу ҳафта Украинага яна бир ёрдам пакетини тақдим этишини эълон қилади.

Душанба куни Оқ уй матбуот котиби Карин Жан-Пер Украинани халқаро қўллаб-қувватлаш узоқ давом этишини ва АҚШ тез орада Киевга янги ёрдам пакетини эълон қилишини айтди.

Россия аввалроқ НАТО мамлакатларига Украинага қурол-яроғ етказиб берилганлиги сабабли нота юборган эди. Россия ТИВ раҳбари Сергей Лавров Украина учун қурол-яроғни ўз ичига олган ҳар қандай юк Россия учун қонуний мақсадга айланишини таъкидлаганди. Россия федерацияси ташқи сиёсати идораси НАТО мамлакатлари Украинага қурол етказиб, "олов билан ўйнаётганини" эълон қилган эди.

Россия федерацияси Президентининг матбуот котиби Дмитрий Песков Украинани Ғарбдан қурол билан тўлдириш Россия-Украина музокараларининг муваффақиятига ҳисса қўшмаслигини ва салбий таъсир кўрсатишини таъкидлаган.

• АҚШ
• Гуманитар ёрдам
• Oq uy
• Украина