Исроил махсус хизматлари Эронга қарши ҳарбий кампания бошланганидан сўнг, мамлакатда кучли зарбалар берилиб, юқори мартабали сиёсий арбоблар ўлдирилгач, тартибсизликлар бошланишига умид қилишган эди, аммо бундай бўлмади, деб ёзади New York Times.

Газетанинг ёзишича, Америка разведкаси можаро бошланишидан олдин ҳам Эрон ҳукуматининг бутунлай қулаши эҳтимолини нисбатан паст баҳолаган.

Нашрда айтилишича, Вашингтон амалдаги ҳукуматнинг “асосий ҳокимият дастакларини назорат остига олишини” энг эҳтимолли натижа деб ҳисоблаган.

Нашрнинг таъкидлашича, Исроил махсус хизматлари йиллар давомида Эрон ичида қўзғолон кўтариш имкониятини мустақил операция сифатида ёки ҳарбий кампания бошланганидан кўп ўтмай ўрганиб келган. Бироқ узоқ вақт давомида Исроилда бундай истиқболлар шубҳа билан баҳоланган.

• АҚШ
• Eron
• Isroil