Куни кеча, тахминан соат 11:30 лар атрофида “Қамчиқ” довонида юк автомобили ҳайдовчиси бошқарув йўқотиши оқибатида юк машинаси ён томонга ағдарилиб кетган.

Ҳодиса оқибатида қурбонлар ва жароҳатланганлар йўқ, бироқ автомобилга ортилган барча юк йўлнинг қатнов қисмига сочилиб кетган.

Ҳайдовчига ёрдам кўрсатиш учун ФВВнинг “Қамчиқ” махсус қидирув бошқармаси қутқарувчилари етиб келиб, йўл-транспорт ҳодисаси оқибатларини бартараф этишган.

Бундан бир кун аввал эса, тахминан шу ҳудуднинг ўзида Spark русумли автомобиль йўлдан чиқиб, йўлнинг хандақ (кювет) қисмига тушиб кетган. Мазкур ҳолатда ҳам ҳайдовчига қутқарув бўлинмалари ходимлари томонидан ёрдам кўрсатилган эди.

• ФВВ
• Yuk_avtomobil