АҚШ молия вазири Скотт Бессентнинг айтишича, аллақачон кемаларга юкланган Эрон нефти ва нефть маҳсулотларини етказиб беришга рухсат берилди. Вазирнинг Х ижтимоий тармоғида ёзишича, бу нефть аввал Хитойга арзон нархларда сотилиши режалаштирилган эди. Санкцияларнинг бекор қилиниши ушбу нефтьни жаҳон бозорига чиқариш имконини беради.
Бессентнинг сўзларига кўра, гап тахминан 140 миллион баррель нефть ҳақида бормоқда. Эрон нефтини етказиб бериш учун берилган лицензия бир ой давомида амал қилади.
“Биз нефть нархларининг ошишини жиловлаш мақсадида ‘Эпик ғазаб’ амалиёти доирасида Эрон нефтидан унинг ўзига қарши фойдаланамиз”, — дея қўшимча қилди АҚШ молия вазири.
Аввалроқ АҚШ Яқин Шарқдаги уруш сабаб бошланган нефть нархларининг ошишини тўхтатиш учун Россия нефтини сотишга қўйилган тақиқни ҳам вақтинча бекор қилган эди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!