7 ноябрь куни Тошкентда Ўзбекистон ва АҚШ ўртасидаги стратегик шериклик бўйича мулоқотнинг учинчи сессияси бўлиб ўтди. Шу муносабат билан АҚШ Давлат котиби ёрдамчиси Доналд Лу Ўзбекистонга ташриф буюрган эди. Ташқи ишлар вазири ўринбосари Ғайрат Фозилов ва Доналд Лу икки давлат ўртасидаги сиёсий, иқтисодий, гуманитар ва маданий соҳалардаги ҳамкорликни муҳокама қилган.

Бугун, 10 ноябрь куни эса Доналд Лу ва АҚШнинг юртимиздаги элчиси Хеник Тошкентдаги Чорсу бозорига бориб, ўзбек таомларидан татиб кўришган. Бу ҳақда АҚШ элчихонаси хабар берди.

“Стратегик ҳамкорлик мулоқотининг муваффақиятли босқичини нишонлаш мақсадида Давлат котиби ёрдамчиси Лу ва элчи Хеник Чорсу бозорида ўзбек таомларидан татиб кўрдилар”, – дейилади хабарда.

Элчихона эълон қилган кадрларга кўра, дипломатга таом ёққан. Давлат департаменти вакили хоним, норин, сомса ва қазиларни татиб кўрган.

• АҚШ
• Bosh kotib
• Элчи
• Ташриф