ТIМE журнали иқлим ўзгаришига қарши курашда фаол бўлган 100 кишининг рўйхатини эълон қилди. Унинг таркибига мусиқачилар, дизайнерлар, блогерлар, сиёсатчилар, корпоратив раҳбарлар ва стартаплар ҳам кирди.

Рўйхат иқлим бўйича мутахассисларга таянган ҳолда тузилган. У бешта қисмдан иборат: «Катализаторлар», «Лидерлар», «Титанлар», «Инноваторлар» ва «Ҳимоячилар». Ҳар бир блокда 20 тан иштирокчи бор.

Рўйхатга Билл ва Мелинда Гейтс, қўшиқчи Билли Айлиш, YouTube блогери  MrBeast, дизайнер Стелла Маккартни, академик ҳамжамият вакиллари, сиёсатчилар ва турли бизнес соҳалари, жумладан, тоғ-кон саноати раҳбарлари ҳам кирди.

Грэмми мукофотига сазовор бўлган қўшиқчи Билли Айлиш ўзининг концертларида қайта тикланадиган энергиядан фойдаланишни тарғиб қилади. У ишлаб чиқаришнинг атроф-муҳитга зарарларини камайтириш тарафдори. Хонанда августда иқлим ўзгаришига бағишланган тадбир ҳам уюштирган.

Билл Гейтс эса иссиқхона газларининг атмосферага зарарларини камайтиш бўйича йирик фонд — Breakthrough Energy асосчиси ҳисобланади. Август ойида Гейтс ўзининг учинчи фондини ишга тушириш учун 1 миллиард доллар тўплади ва у сармоя киритган компаниялар сони 40 фоизга ошди.

• Шоу-бизнес