Буюк Британия бош вазири Лиз Трасс ва қирол Карл III БМТнинг иқлим ўзгариши бўйича “Cop27” конференциясида иштирок этиш борасида келишмовчилик юзага келди. Бу ҳақда “Times” нашри хабар берди.

Газетанинг хабар беришича, Британия монархи жонкуяр эколог бўлса-да, ҳукумат раҳбарининг илтимосига биноан тадбирда қатнашиш ғоясидан воз кечган.

Қайд этилишича, у Мисрда бўлиб ўтадиган жаҳон етакчилари йиғилишида нутқ сўзламоқчи бўлган. Шарм ал-Шайх саммитига бориши даргумон, чунки Трасс ўтган ой Букингем саройидаги шахсий аудитория вақтида қиролнинг режаларига эътироз билдирган.

Нашрнинг ёзишича, ушбу қарор Трасс ва Карл III ўртасидаги кескинликни кучайтириши мумкин.

“Times” газетасининг Даунинг-стритдаги манбасига кўра, аслида бу масала бўйича муҳокама вақтида ҳеч қандай баҳс бўлмаган.

“Қиролнинг саммитда жисмонан иштирок этмаслиги унинг йўл топа олмаслигини англатмайди”, – дейилади хабарда.

• БМТ
• Буюк Британия
• Karl III
• Liz Trass