Кучли жисмоний меҳнат деманснинг ривожланишига олиб келиши мумкин. Бу ҳақда норвегиялик олимлар етти минг киши иштирок этган тадқиқот натижаларига асосланиб айтиб ўтишди.

Иш давомида тадқиқотчилар иштирокчиларнинг саломатлиги ва турмуш тарзига оид маълумотларни тўплашди ва таҳлил қилишди. Маълум бўлишича, уларнинг 902 нафарига деменсия ташхиси қўйилган. Бундан ташқари, 2,5 минг киши енгил когнитив бузилишларга эга эди. Шу билан бирга, муаммолари аниқланган одамларнинг аксарияти бутун ҳаёти давомида жисмоний оғир ишларга жалб қилинган.

Яна бир қатор ҳисоб-китобларни амалга оширгандан сўнг, олимлар оғир иш билан шуғулланадиган одамларда деменсияни ривожланиш эҳтимоли бошқа гуруҳларга қараганда деярли 15,5 фоизга юқори деган хулосага келишди.

Тадқиқот муаллифларининг таъкидлашича, кассирлар, сотувчилар, кичик тиббиёт ходимлари, фермерлар ва чорвачилик билан шуғулланувчиларда доимий стресс ва чарчаш хавфи ортади.

Олимларнинг қўшимча қилишича, дам олишнинг етишмаслиги когнитив қобилиятларга таъсир қилади. Бу омиллар тананинг чарчашига олиб келади ва мия фаолиятига салбий таъсир қилади.

• Lifestyle
• қизиқарли