“Бу дегани, барча гаровдагилар яқин вақт ичида озод қилинади, Исроил эса мустаҳкам, ишончли ва абадий тинчлик сари дастлабки қадам сифатида ўз қўшинларини келишилган чизиққача олиб чиқади. Барча томонларга адолатли муносабатда бўлинади!”, — дейилади АҚШ президенти Truth Social ижтимоий тармоғидаги постида.

Доналд Трамп, шунингдек, Қатар, Миср ва Туркияга воситачилик ҳаракатлари учун миннатдорчилик билдирган.

Аввалроқ, Мисрда давом этаётган Исроил ва ХАМАС ўртасида музокаралар ижобий кечаётгани ва томонларнинг яқин бир-икки кун ичида келишувга эришиш эҳтимоли юқорилиги ҳақида маълум қилинган эди.

Шунингдек, The Times of Israel нашри томонидан, муҳокамаларда гаровга олинган қолган 48 кишини 2000 га яқин фаластинлик асирлар эвазига озод қилиш ва Исроил қўшинларининг Ғазо секторидан қисман олиб чиқилиши масалалари муҳокама қилиниши, музокараларнинг кейинги босқичларида ХАМАСнинг қуролсизланиши ва Ғазонинг урушдан кейинги бошқаруви билан боғлиқ масалалар кўриб чиқилиши режалаштирилгани ҳақида хабар берилган эди.

• Фаластин
• Isroil
• Misr
• Музокара
• Трамп