Бронхиал астма нафас йўлларининг сурункали яллиғланиши бўлиб, у ўткир астма хуружлари сифатида намоён бўлади. Шифокорлар бундай ҳужумларни бронхиал обструкция деб аташади.

Сўнгги ўн йил ичида дунёда астма билан касалланганлар сони икки баравар кўпайди. Пандемиядан кейин бу кўрсатиш сезиларли ошганини кўрамиз. ЖССТ маълумотларига кўра, дунё бўйлаб 334 миллиондан ортиқ одам бронхиал астмадан азият чекмоқда. Уларнинг 14 фоизини болалар ташкил этади.
Болалар ва ўсмирлар бу патологияга айниқса сезгир ҳисобланади.

Бундан ташқари, ўғил болалар балоғатга етгунга қадар касал бўлиш эҳтимоли кўпроқ бўлса, қизлар ўсмирлик даврида бронхиал астмага бир хил даражада мойил бўлади.

Астма ва қатор бошқа касалликларни бартараф этиш ёки олдини олиш учун табиий кундалик овқатланиш рационимизга қўшишимиз мумкин бўлган озуқалар бор. Мисол учун эчки сути. Тўғри ҳозирги вақтда бу маҳсулотни ҳамма жойдан топа олмаймиз. Ўзбекистондаги турли даволаниш ва дам олиш масканларида яъни санаторийларда ушбу маҳсулот алоҳида тақдим этилади.

Негаки, эчки сути ўзига хос таъмга эга шифобахш неъматдир. Таркибида юрак томир, асаб касалликлари учун фойдали бўлган никотин кислотаси мавжуд. Ибн Синонинг таърифича, у ични суради, томоқдаги, қовуқдаги яраларни даволайди, йўтал, қон туфлаш, бош оғриғи, меъда хасталикларида фойда қилади.

Қуруқ мижоздан бўладиган хафақон, васваса ҳамда эсда сақлаёлмаслик касалига ҳам яхши даводир. Бу сут билан ғарғара қилинса томоқ оғриқ, тилча, бодомсимон безлар шишлари, сил ва ниҳоят даражада озиб кетишга фойда беради.

Олимларнинг таъкидлашича, эчки сути кимёвий таркибига кўра кўпроқ она сутига яқин туради. Кальций, магний, темир, марганец, калий каби қимматли моддаларга бой. Таркибида, айниқса, ёғ ва оқсиллар мўл бўлиб, уларни организм тез ва осон ҳазм қилади. Ёғ доначалари сигир сутиникидан икки баробар кичик, оқсиллари эса нозик бўлади. Шу боис эчки сутини гўдакларга ҳам берса бўлади. Рахит, жигар, ўпка сили, аллергия касалликларини даволашда эчки сутидан фойдаланилса, яхши самара беради.

У ишқорли бўлганидан ошқозони ошиқча кислота ажратадиган одамларга яхши даводир. Экзема, қичима, астма билан оғриган кишиларга ҳам эчки сути ичиш тавсия қилинади. Бўғинлар оғриғини қолдиришда, ўт халтадаги тошни туширишда ҳам қўлланилади.

• Фойдали
• Шифокор