“Ўзенергоинспексия” Тошкент шаҳар ҳудудий бошқармаси, ДХХ, ИИВ ва Бош прокуратура ҳузуридаги Департамент ҳамкорлигида ўтказилган назорат тадбирларида электр энергиясидан ноқонуний фойдаланиш ҳолатлари аниқланган.

Хусусан, Шайхонтоҳур туманида жойлашган “Б.” уй-жой ширкатининг жами 17 дона электр ҳисоблагичларидан 9 тасига ташқи таъсир кўрсатган ҳолда 726 млн сўмлик электр энергиясидан ноқонуний фойдаланганлиги аниқланган.

Шунингдек, Олмазор туманида жойлашган “Ф.Т.” МЧЖ фойдаланилган электр энергияси учун ҳисоб-китоблар амалга оширилмай келиш натижасида таъминот корхонасига 1 млрд 159 млн сўм зарар етказилганлиги маълум бўлган.

Бу каби ҳолат Олмазор тумани О.Бобожонов кўчаси, 20-уй манзилидаги турар-жой биносининг электр ҳисоблагичи “HЕТ Billing” тизимига киритилмасдан фойдаланиб келиши натижасида таъминот корхонасига 862,2 млн сўмлик зарар етказилганлиги аниқланган.

Электр энергияси, нефть маҳсулотлари ва газдан фойдаланишни назорат қилиш инспекцияси ахборот хизмати маълум қилишича, мазкур ҳолатлар юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилган.

• Qoidabuzarlik
• Тошкент
• «Ҳудудий электр тармоқлари»