Давлат активларини бошқариш агентлиги ҳузуридаги “UzAssets” инвестиция компанияси Фарғона нефтни қайта ишлаш заводи (ФНҚИЗ) фондидаги 100 фоиз улушини сотгани тўғрисида маълум қилди. Бу ҳақда Давлат активларини бошқариш агентлиги хабар берди.

ФНҚИЗ харидори энг йирик нефт ва газ соҳасидаги хусусий корхона “Саноат Энергетика Гуруҳи” (собиқ “Jizzakh Petroleum”) бўлган. Келишув нархи 100 миллион долларни ташкил этган.

Таъкидланишича, нефт ва газ соҳасидаги 30 дан ортиқ турли хил хорижий ва маҳаллий инвесторларга инвестицион тизер (компания хақида қисқача маълумот) юборилди ҳамда уларнинг учтаси иштирокида очиқ танлов жараёни ташкил этилган.

Битим доирасида “Саноат Энергетика Гуруҳи” заводни модернизация қилишга оид 380 миллион доллардан ортиқ инвестиция мажбуриятларини бажаришни ўз зиммасига олади.

• Давактив
• Фарғона
• нефть