Ҳаётимиздаги баъзи нарсалар ҳеч қандай илмий асоссиз ўз-ўзидан содир бўлгандай туюлади. Аммо бу мутлақо нотўғри фикр. Олимлар кундалик ҳаётимизда учрайдиган оддий, ўз-ўзидан содир бўладигандай туюлган қонунларни барчадан олдин илғаб, уларга ўз исмларини ном сифатида беришга ҳам улгуришган. Қуйида барчамиз ҳам учраган бўлишимиз мумкин бўлган қизиқарли ҳаёт қонунлари билан танишиб чиқамиз.

• Кан ва Орбен аксиомаси: агар ҳеч нарса ёрдам бермаётган бўлса, ниҳоят энди қўлланмани ўқишингиз мумкин!

• Хлейд қонуни: бирор қийин вазифани энг дангаса ҳамкасбингизга юкланг. У, албатта, уни бажаришнинг осон йўлини топа олади.

• Фингейлнинг саккизинчи қоидаси: жамоада ишлаш жуда муҳимдир. У айбни бошқага юклаш имконини беради.

• Ларман тадқиқоти: сизга доим ёки пул ёки вақт етмайди.

• Холт қонуни: ҳар қандай иш буни қилмаслик керак бўлган одам учун осон туюлади.

• Армия аксиомаси: нотўғри тушунилиши мумкин бўлган ҳар қандай буйруқ нотўғри тушунилади.

• Этторе кузатуви: ёнингиздаги навбат ҳар доим тезроқ ҳаракат қилади (йўлдаги тирбандлик, супермаркетлардаги навбатлар).

• Ҳайвонот боғи ва музей қонуни: энг қизиқарли экспонатларда номи ва таърифи ёзилган тахтача бўлмайди.

• Ричарднинг ўзаро боғлиқлик қонуни: узоқ вақт давомида сақлаган нарсангизни ташлаб юборишингиз билан, у сизга керакли бўлиб қолади.

• Колбаса тамойили: колбасани яхши кўрадиган ва қонунни ҳурмат қиладиган инсон ҳеч қачон иккаласи ҳам қандай тайёрланишини кўрмаслиги керак.

• Уотергейт тамойили: ҳукуматнинг коррупцияси ҳақида ҳар доим ўтган замонда гапиришади.

• Қидирув қонуни: бирор нарсани энг ноўрин жойдан излаш керак. Излаган буюмингиз айнан ўша ерда бўлади.

• Мидер қонуни: сиз билан қандай воқеа содир бўлишидан қатъи назар, буларнинг барчаси яна бир танишингизда содир бўлган бўлади. Фақат унда у бунданам ёмон ҳолатга тушган бўлади.

• Флагг қонуни: ёғочни тақиллатишингиз керак бўлган пайтдагина - бутун дунё алюмин ва пластикдан иборатлигини тушуниб қоласиз.

• Қонун
• қизиқарли