Бу ҳақда мамлакат президенти Эммануел Макрон сешанба куни France 2 телеканали эфирида эълон қилди. Унинг айтишича, агар Европа Иттифоқи бу борада умумий қарор қабул қилмаса, яқин ойларда Франция миллий даражада ушбу тақиқни жорий қилади.

Бундан ташқари, Макрон интернет дўконлар орқали пичоқ сотиб олаётганда ёшни текшириш тизими жорий этилишини маълум қилди. Қайд этилишича, бу жараён порнографик сайтлар учун мавжуд бўлган текширув тизимига ўхшаш бўлади.

“15 ёшли ўсмир энди интернет орқали пичоқ сотиб ололмайди. Биз бунга амал қилмаганларга жиддий молиявий санкциялар ва тақиқлар жорий қиламиз”, — деди Макрон.

Франция президенти Ножан-сюр-Мар шаҳрида бир ўқувчининг мактаб ходимига пичоқ билан қилган ҳужуми туфайли бу баёнотни берди. Ўшанда ўқувчи мактаб ходимасига пичоқ билан ташланган ва уни яралаган эди. Аёл олган жароҳатлари туфайли вафот этган эди.

• Болалар
• Fransiya
• Макрон
• Қарор