Германиядаги “Meta” вa “TikTok” контенти модераторлари иш берувчилардан маошни ошириш, руҳий саломатликни қўллаб-қувватлаш ҳамда касаба уюшмалари ва бошқа ташкилотлар учун имкониятларни талаб қилиш мақсадида бирлашди.

Яқинда Германия Европа ва Яқин Шарқ мамлакатларида ижтимоий платформалар учун модерация марказига айланган эди. Модераторлар катта ҳудуддаги материалларни қайта ишлаши кераклиги сабабли, улар орасида кўплаб муҳожирлар бор. Кам иш ҳақи, модераторларнинг малакасиз меҳнат сифатида таснифланиши, Германия меҳнат қонунчилигининг ўзига хос хусусиятлари – буларнинг барчаси биргаликда, биринчи навбатда, Европа Иттифоқига аъзо бўлмаган мамлакатлар фуқаролари учун муайян муаммоларни келтириб чиқаради. Германияда бундай ишчилар иш берувчиларига қарам бўлиб қолишади, айниқса виза олиш масаласида.

Вазиятни тавсифловчи “Wired” нашри Германияда модераторлар қанча маош олиши ҳақида аниқ маълумотларга эга эмас, бироқ фаоллардан бири журналистларга уларнинг аксарияти Германиядаги энг кам иш ҳақидан сал кўпроқ ёки соатига 12 евро тўланишини маълум қилган. Модераторлар фикрича, улар технология соҳасидаги энг қийин ва кам баҳоланган вазифалардан бирини бажаришади.

Нашрда қайд этилишича, Германияда нисбатан прогрессив меҳнат қонуни мавжуд бўлиб, у компаниялар ичида сайланган ишчилар кенгашларини (Betriebsrat), касаба уюшмаларига ўхшаш қонуний тан олинган тузилмаларни яратишга имкон беради. Иш берувчилар компаниянинг муҳим қарорлари бўйича ишчи кенгашлар билан маслаҳатлашишлари керак ва уларнинг аъзолари компания бошқарувига сайланиши мумкин. Германиядаги “TikTok” ходимлари ўзларининг ишчи кенгашини 2022 йилда тузган. Кейинги қадам бирлашган касаба уюшмаси бўлиши керак.

Маълум бўлишича, бу жуда кенг тарқалган амалиёт – контентни бошқариш вазифаларини учинчи томон компанияларига аутсорсинг қилиш. Қўшимчасига вақти-вақти билан ўз ишидаги қонунбузарликларга бағишланган нашрлар мавжуд: Кениядан Ҳиндистон ва Америка Қўшма Штатларигача бўлган модераторлар кўпинча чарчоқдан шикоят қилади, қарор қабул қилишга вақтлари кам; кўпчилик психологик зўриқишдан кейинги стресс бузилиши ҳақида хабар берган. Буни тан олган компаниялар модераторларга қандайдир психологик маслаҳатларни таклиф қилишади, бироқ баъзи ишчилар бу етарли эмаслигидан шикоят қилади.

• Германия
• Мета
• TikTok