Янги зеландиялик актёр, “Юра даврига саёҳат” филмидаги доктор Алан Грант роли билан танилган Сем Нилга III даражадаги қон саратони ташхиси қўйилгани маълум бўлди.

Актёр 2022 йилнинг март ойида шишган безлар билан оғриганини айтди ва орадан кўп ўтмай унга ангиоиммунобластик Т-ҳужайрали лимфома ташхиси қўйилди.

У кимётерапия муолажасини олган, бироқ бу натижа бермаган. Ундаги саратон касаллиги ремиссия босқичида бўлса-да, актёр умрининг охиригача ҳар ой қабул қиладиган янги кимётерапия препаратини бошлади. Шунингдек, Сем Нил даволанаётганида хотиралар китобини ёзиш ғояси пайдо бўлганини айтган.

“Умуман китоб ёзиш ниятим бўлмаган. Бироқ ёзишда давом этар эканман, бу менга яшашимга сабаб бўлганини англадим. Бу ҳақиқатан ҳам мени қутқарди, чунки ҳеч нарса қилмай бундан ўта олмасдим”,— дейди актёр.

• Кино
• Saraton
• aktyor
• қизиқарли