Чоршанба куни Греция шарқидаги Хиос оролида қўшни Туркиядан келган муҳожирлар бўлган қайиқ тошга урилган ва қутқарувчилар яна уч кишини топиб олишган. Бу ҳақда “Euronews” хабар берди.

Аввалроқ, оролнинг шимоли-шарқида, Туркиядан тахминан 20 километр узоқликдаги қирғоқ чизиғидан қирғоқ қўриқлаш хизмати ходимлари томонидан яна 14 киши, жумладан, саккиз нафар бола қутқарилган эди.

Қутқарилганларнинг жами сони 17 нафарга етди.

Қирғоқ қўриқлаш бошқармасининг маълум қилишича, учта патруль кемаси бошқа омон қолганларни қидирмоқда, қутқарилган муҳожирлар камида уч киши бедарак йўқолганини маълум қилди.

Кейинроқ уларнинг жасадлари топилган. Қайиқ эса  топилмаган.

• Греция
• Kema