Ҳамёнингизни ўзгартирган заҳоти топиш-тутишингизда ўзгариш рўй берганини сезганмисиз? Тўсатдан ишларингиз юришиб, бойлигингиз кўпая бошладими? Ёки аксинча ишларингиз орқага кета бошладими? Балки бунга аёллар ва эркаклар учун муҳим аксессуар бўлмиш ҳамён қайсидир маънода ўз таъсирини ўтказгандир. Гап шундаки, пулларни сақлаш вазифасини бажарувчи бу муҳим аксессуар ўзига хос қувват манбаи саналади. Масалан, аёллар пул чақиради, деб кўпинча қизил рангдаги ҳамён сотиб олишга ҳаракат қилишади. Аслида ҳам шундайми? Келинг, бугун шу ҳақда сўз юритамиз.

Қора рангли ҳамён

Қора ранг – барқарорлик ва ишонч рамзи. Бундай аксессуар анъанавий қарашларга эга, консерватизмни қўллаб-қувватловчилар танлови. Қора рангли ҳамённинг табиий материал – чарм ва замшдан тикилганини сотиб олинг.

Қизил рангли ҳамён

Бу ранг – молиявий тўкинлик рамзи. Бироқ юмшоқ қалбли инсонлар учун жуда хавфли. Уларнинг қувватини сўриб олиши мумкин. Бироқ у ўзига ишонган, ёрқин характерли шахслар учун жуда мос келади. Қизил рангли ҳамён танлаганда у, албатта, қимматбаҳо бўлишига эътибор қаратинг.

Оқ рангли ҳамён

Оқ ранг – устунлик рамзи. Туркий халқларда бадавлат ва аслзода инсонлар оқ рангли яктак ва бош кийим кийишган. Шундай экан, бойлигингизни кўпайтириш учун оқ рангли ҳамённи бемалол сотиб олишингиз мумкин. Уни оқ рангдаги бирор кийим билан мослаб тутиш керак.
 
Сариқ рангли ҳамён

Бу ранг хотиржам феълли, қаноатли одамлар танлови. Уларга пул келади, бироқ ўлчанган миқдорда. Аммо молиявий аҳволи мунтазам яхшиланиб боришини кутмаганлари маъқул. Аммо барқарорлик уларга, албатта, насиб этади.

Яшил рангли ҳамён

Яшил рангли ҳамённи танлаганда унинг оч ёки тўқлигига эътибор беринг. Иложи борича тўқроқ рангдагисини танланг. Ана шунда самараси дарҳол сезилади.

Кўк ва ҳаворанг ҳамён

Ушбу ранглардаги ҳамённи иложи борича сотиб олмасликка ҳаракат қилинг. Уларда пул узоқ турмайди. Гоҳ кутилмаган харажатлар чиқиб қолади, гоҳ йўқотишлар.

Туғилган кунга мослаб ҳамён танлаш

Рақамшунослар туғилган кун одамнинг тақдири ва уни ўраб турган оламга ўз таъсирини кўрсатишини аниқлаган. Хусусан, сизга қайси рангдаги ҳамён мос тушишини ҳам таваллуд санангизга қараб аниқлаш мумкин. Бир хонали сон остида туғилганлар ўз рақамларига мос жавобни ўқишади. Туғилган санаси икки хонали сон бўлганларнинг эса рақамлари бир-бирига қўшилади. Масалан, сиз 16-санада туғилган бўлсангиз, 1+6=7 қўшув амалидан сўнг 7-рақамли жавобни ўқийсиз.

Энди жавоблар билан танишинг:

1. Бронза ва тилларанг ҳамён;

2. Оқ ёки яшил рангли ҳамён;

3. Пушти ва бинафшаранг ҳамён;

4. Кулранг ҳамён;

5. Сариқ ёки кулранг ҳамён;

6. Тиниқ осмон ва оловранг ҳамён;

7. Яшил ёки кўк рангли ҳамён;

8. Қора ёки тўқ кўк рангли ҳамён;

9. Қизил рангли ҳамён.

Унутманг! Бойлик келтирадиган ҳамён ҳар доим юқори сифатли ва қимматбаҳо бўлиши керак.

• Tavsiya
• мода
• қизиқарли