“Яшил макон” умуммиллий акцияси доирасида жорий йил баҳорда дарахт кўчатларини экиш ишларида камчиликларга йўл қўйилган. Бу ҳақда Сенат ахборот хизмати хабар берди.

"Дарахт экиш ишларини тизимли ташкил этмасдан, суғориш ва парваришлаш учун тегишли масъуллар бириктирилмаган. Ҳақиқатда экилмаган 6,2 млн дона кўчат ҳисоботларга қўшиб ёзилган, 3,4 млн дона кўчат суғориш тизими бўлмаган жойларга экилган.

2,4 млн дона кўчат сувсизлик ва етарли парвариш бўлмаганлиги сабабли баҳор тугамасдан қуриб нобуд бўлган. Ернинг табиий иқлим хусусиятларини инобатга олмаган ҳолда 341 минг дона кўчат яроқсиз ерларга экилган",– дейилади хабарда.

Ўз навбатида, Сенат Раиси бу борадаги камчиликлар ва муаммоларни бартараф этиш, уларнинг олдини олиш мақсадида маҳаллий Кенгашлар олдига қатор вазифаларни белгилаб берган.

• Ҳисобот
• Яшил макон
• daraxt