“Толибон”нинг Иқтисодий комиссияси йиғилишида маълум қилинишича, “Толибон” муваққат ҳукумати чет эллик инвесторларга мамлакатда яшаш учун рухсатнома бериш масаласини муҳокама қилмоқда. Маълумотларга кўра, хорижий инвесторларга инвеститсиялар эвазига бир йилдан ўн йилгача амал қиладиган яшаш рухсатномаларини бериш таклиф қилинган. Йиғилиш қароридан сўнг, инвеститсия миқдорига қараб яшаш рухсатномаларини бериш бўйича қоидаларни ишлаб чиқиш ва тегишли тоифаларни якунлаш учун махсус қўмита тайинланди. Ушбу қўмитанинг ҳисоботи Иқтисодий комиссиянинг навбатдаги сессиясида тақдим этилиши кутилмоқда.

Бу қарор “Толибон” маъмурияти хорижий инвеститсияларни жалб этишга алоҳида эътибор қаратишда давом этаётган бир пайтда қабул қилинди. Бироқ танқидчиларнинг таъкидлашича, ҳуқуқий шаффофликнинг етишмаслиги, кенг кўламли ижтимоий чекловлар ҳамда халқаро миқёсда тан олинмаганлик ҳолати мамлакатда хорижий инвесторлар орасида барқарор ишончни шакллантиришга жиддий тўсиқ бўлиб қолмоқда.

• Афғонистон
• Инвестиция
• Tolibon