Анор шарбати – иммунитетни мустаҳкамлаш, гемоглобин миқдорини ошириш, танага қувват бағишлашда энг фойдали ичимлик ҳисобланади. Бу ҳақида тиббиёт фанлари номзоди Римма Мойсенко маълум қилди.
“Анор шарбати қадимдан энг фойдали ичимликлардан ҳисоблаб келинган. Унинг таркибида катта миқдорда антиоксидантлар ва антоцианлар – иммунитетни мустаҳкамловчи фаол моддалар мавжуд. Бу иммунитетни рағбатлантирувчи табиий восита”, – дейди эксперт.
Мутахассиснинг айтишича, анор шарбати ичаклар фаолиятини яхшилайди. Бунинг натижасида инсон куч-қувватни ҳис этади. Ичимлик таркибида D, E, K витаминлари, яримтўйинган ёғ кислоталари ҳам бор. Улар қондаги гемоглобин миқдорини кўтариш ва анемияга қарши кураш жараёнида иштирок этади.
Анор шарбатини уй шароитида мустақил тайёрлаш мумкин. Бунинг учун мева шарбатини сиқиб олиб, уни озроқ сув билан аралаштириш ва орадан ярим соат ўтиб истеъмол қилиш керак. Тайёр шарбатлар таркибига катта миқдорда шакар қўшилгани учун уларнинг фойдасидан кўра зарари кўпроқ бўлади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!