2 июнь, якшанба куни Индонезияда Ибу вулқони яна отилиб, қалин кулранг кулни 7 минг метр баландликка ташлади, деб ёзади “Закон.кз”.

Индонезия Геология агентлиги раҳбари Муҳаммад Вафиднинг сўзларига кўра, Шарқий Малуку провинциясидаги оролда жойлашган вулқон олти дақиқадан кўпроқ отилган. Осмонга кул устуни кўтарилди. У вулқон кули ва қумни ўз ичига олган материалларни чиқарди.

Отилиш вақтида шамол ғарбга эсган ва натижада вулқон моддалари шамол томонидан илгари эвакуация қилинганлар яшайдиган жойга, Гам Ичи қишлоғидаги далага олиб кетилган дея хабар беради “Натионал Disaster”. Таъсир қилинган ҳудудга агентлик гуруҳи юборилади.

Маҳаллий маъмурлар аҳолига очиқ ҳавода машғулотлар билан шуғулланмасликни ва қум аралашган кул ёмғирлари давом этаётганда уйда қолишни тавсия қилмоқда.

Ибу вулқони май ойининг бошидан бери узлуксиз отилмоқда. Индонезия ҳукумати ўтган ҳафтадан бери содир бўлган қатор портлашлар ортидан огоҳлантиришни энг юқори даражага кўтарди.

270 миллион кишилик архипелаг бўлган Индонезияда 120 та фаол вулқон мавжуд. У вулқон фаоллигига мойил, чунки у Тинч океани атрофидаги от тақасимон сейсмик ёриқлар қатори “Олов ҳалқаси” бўйлаб жойлашган.

• Indoneziya
• Вулқон