Шифокорлар инсульт белгиларини аниқлаб берувчи дастур яратди.

Қайд этилишича, смартфон иловаси умумий инсульт белгиларини неврологик даражадаги аниқлик билан таний олади. Тадқиқотнинг дастлабки натижалари Даллас шаҳридаги Халқаро инсульт конференциясида тақдим этилиши кутилмоқда.

Лос-Анжелесдаги Калифорния университети олимлари тез-тез учрайдиган инсульт белгиларини аниқлашга ёрдам берадиган “FAST.AI” смартфон иловасини ишлаб чиқдилар. Илова 68 та юз нуқтасини баҳолаш учун беморнинг юзидаги видео тасвирлардан фойдаланади. Қўлларнинг ҳаракати ва йўналишини баҳолаш учун смартфон сенсорлари, нутқ ўзгаришларини баҳолаш учун эса микрофон керак. Маълумотларни таҳлил қилиш машинани ўрганиш алгоритмлари ёрдамида амалга оширилади.

Америка юрак ассоциацияси маълумотларига кўра, инсульт АҚШда ўлимнинг бешинчи ва ногиронликнинг асосий сабабидир. Қўшма Штатлардаги барча инсульт билан касалланганларнинг тахминан 85 фоизи ишемик, яъни томирларни қон ивиши билан тўсиб қўйиш натижасида юзага келади. Оғир оқибатларга олиб келмаслик учун симптомларни эрта аниқлаш ва даволаш жуда муҳимдир. Аломатлар бошланганидан кейин 90 дақиқа ичида қон қуйқаларини йўқ қиладиган дори берилса, кичик ногиронлик билан тикланиш эҳтимоли уч баравар юқори бўлади.

Тадқиқотчилар “FAST.AI” самарадорлигини Болгариядаги тўртта йирик метрополитен инсульт марказларида касалхонага ётқизилганидан кейин 72 соат ичида 270 га яқин ўткир инсультли беморларни синовдан ўтказиш орқали тасдиқладилар. Беморларни текширган неврологлар иловани синовдан ўтказишди ва сўнгра “FAST.AI” натижаларини ўз тажрибалари билан солиштиришган.

Илова беморларнинг деярли 100 фоизида инсульт билан боғлиқ юз носимметриклигини аниқ баҳолади. У 75 фоиздан кўпроғида қўлларнинг заифлигини, шунингдек, ишончли тарзда тан олинган нутқ бузилишларини аниқлаган.

Топилмалар кўриб чиқиладиган илмий журналда нашр этилгунга қадар дастлабкиси ҳисобланади. Илова ҳали омма учун мавжуд эмас, чунки уни якунлаш ишлари давом этмоқда.

• Bosh miya
• Касаллик