Италиянинг Белкастро шаҳри мери аҳолига касал бўлишни тақиқлади. У шаҳар аҳолисидан тиббий ёрдам кўрсатишни талаб қиладиган ҳар қандай касаллик, айниқса фавқулодда вазиятлар билан касалланишдан сақланишни талаб қиладиган расмий фармон чиқарди.

Шаҳар мери Антонио Торкя одамларга соғлиқни сақлаш ресурслари ва ходимларининг етишмаслиги тўғрисида хабар берди. Унинг сўзларига кўра, ушбу ҳужжат ёрдам сўраб мурожаат қилиш ва номақбул вазиятга эътиборни жалб қилишнинг бир усули ҳисобланади.

Белкастро аҳолиси тахминан 1300 кишини ташкил этади, уларнинг ярми нафақахўрлардир. Шаҳарда битта соғлиқни сақлаш пункти мавжуд. Энг яқин шошилинч тиббий ёрдам пункти 45 километр узоқликда жойлашган.

• Италия
• Жаҳон