Ўзбекистонда жадидчилик ҳаракати ҳақида ҳикоя қилувчи «Армон» фильми суратга олинди.

«Армон» фильми жадидчиликка асос солиниш тарихи, унинг намоёндалари тақдири, 1917 йил сиёсий воқеаларининг ислоҳотчилар ҳаракатига таъсири, шунингдек, жадидларнинг Ўзбекистон тарихида қолдирган изи ҳақида ҳақида ҳикоя қилади. Бундан ташқари, фильм гендер тенглик масалаларига эътибор қаратади ва Марказий Осиёнинг бошқа давлатларидаги тараққийпарварлар ҳаракатларига ҳам тўхталади.

Картинада бош ролларни Ўзбекистон ва бошқа мамлакатларнинг таниқли шахслари, хусусан Эркин Бозоров, Саид-Абдулазиз Юсупов, Манижа ҳамда Аскар Илясовлар ижро этган. Фильмни суратга олиш ишлари Ўзбекистон, Россия ва Туркия давлатларида бўлиб ўтган. Лойиҳа устида 2 йил давомида ишланган.

Фильмнинг ёпиқ премьераси 15 ноябрь куни бўлиб ўтганди. Бугун, 20 ноябрь куни соат 20:00 да картина YouTube платформасига жойланди.

• Кино
• Premyera