“Дунё” ахборот агентлигининг маълум қилишича, Киев вилоятидаги иссиқхонада мажбурий меҳнатга яқин шароитда ишлаган Ўзбекистон фуқаролари, Ўзбекистон элчихонаси ва Халқаро миграция ташкилотининг саъй-ҳаракатлари орқали 19 нафар фуқаро Ватанга қайтарилди.

Ўзбекистоннинг Украинадаги элчихонаси фуқароларнинг ҳуқуқ ва манфаатларини ҳимоя қилиш, уларнинг қонуний ҳуқуқларини тиклаш, ҳужжат ва ташкилий масалаларни ҳал этиш орқали Украинадан хавфсиз чиқиб кетишларини таъминлаш бўйича чора-тадбирлар комплексини амалга оширди.

Олиб борилган музокаралар натижасида барча 19 нафар фуқарога “жабрланувчи” мақоми расман берилди, бу эса Украина қонунчилигига кўра уларга нисбатан қандайдир санкция қўлланилиш эҳтимолини тўлиқ бартараф этди.

Халқаро миграция ташкилотининг Украина ва Молдова бўйича офислари молиявий кўмагида 28 октябрь куни фуқаролар Киевдан Кишинёвга автотранспорт орқали етказилган.

2 ноябрь куни Халқаро миграция ташкилоти вакиллари ҳамроҳлигида улар Кишинёв – Истанбул – Урганч ҳаво йўналиши орқали парвоз қилиб, 3 ноябрь куни Ўзбекистонга етиб келдилар.

• Issiqxona
• Kiyev
• Мажбурий_ме=нат
• Миграция
• Украина