“Канаданинг Manitoba провинциясида ўрмон ёнғинлари ўн минглаб гектар майдонни қамраб олди. Маҳаллий ҳукумат 17 мингдан зиёд аҳолини эвакуация қилди”, – деб хабар беради CBC.

Манитобада ўрмон ёнғинларининг 22 та йирик ўчоғи қайд этилган. Улардан бири Manitoba ва Саскачеван провинциялари чегарасидаги Флин-Флон шаҳрига яқин жойлашган бўлиб, қарийб 20 минг гектар ҳудудни эгаллаган.

Расмий маълумотларга кўра, йил бошидан бери провинцияда 102-ёнғин кузатилмоқда — бу 20 йил давомидаги ўртача кўрсаткичдан сезиларли даражада юқори. Иссиқ ва шамолли об-ҳаво вазиятни янада қийинлаштирмоқда.

Маҳаллий ҳукумат бутун Manitoba ҳудудида фавқулодда ҳолат эълон қилган. Хавф юқори бўлган ҳудудлардан 17 мингга яқин одам эвакуация қилинган. Сўнгги марта бу қадар кенг кўламли эвакуация салкам 30 йил олдин амалга оширилган — 1997 йилда 25 минг киши сув тошқинлари сабаб ўз уйларини тарк этишга мажбур бўлганди.

• Канада
• Ўрмон
• ёнғин