31°
Кечаси 18°
Бош прокуратура ҳузуридаги Департаментнинг бир нечта ҳудудий бўлимлари ва ҳуқуқни муҳофаза қилувчи органлар ҳамкорлигида ўтказилган тезкор тадбирларда кучли таъсир қилувчи дори воситаларининг ноқонуний савдоси фош этилди.
Жумладан, Ғиждувон туманида “S.Ph.” МЧЖга тегишли дорихонада 25 дона кучли таъсир қилувчи дори воситаси 16,2 млн сўмга шифокор рецептисиз сотилаётган вақтда ашёвий далиллар билан ушланган.
Шунингдек, Шайхонтоҳур туманида “Спарк” русумли автомобил текширилганда, фуқаролар Н.Ф. ва И.Э. 440 дона кучли таъсир қилувчи дори воситасини кейинчалик сотиш мақсадида олиб кетаётгани аниқланган.
Пастдарғом туманида “Sh.Sh.” МЧЖ дорихонаси сотувчилари Ж.Ю. ва О.Ю. 300 дона “Бензонал” дори воситасини фуқарога сотган вақтида қўлга олинган.
Урганч шаҳрида эса фуқаро Д.Я.нинг хонадондан 80 дона кучли таъсир қилувчи дори воситаси ноқонуний сақланаётгани аниқланиб, далилий ашё сифатида олинган.
Мазкур ҳолатлар юзасидан Жиноят кодексининг 251-1-моддаси билан жиноят ишлари қўзғатилган. Ҳозирда тергов ҳаракатлари олиб борилмоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
