Бирлашган Араб Амирликлари (БAA) Араб нефть экспорт қилувчи мамлакатлар ташкилоти (ОАПЕК) сафидан чиқди. Бу ҳақда ташкилотнинг X ижтимоий тармоғидаги расмий баёнотида маълум қилинди.
Қайд этилишича, БAAнинг ташкилотни тарк этиш қарори 1 майдан кучга кирган. ОАПЕК Бош котибияти эса Амирликларга аъзолик давридаги фаол иштироки ва нефть-энергетика соҳасидаги қўшма ҳамкорликни ривожлантиришга қўшган ҳиссаси учун миннатдорлик билдирди.
Эслатиб ўтамиз, апрель ойи охирида БAA Нефть экспорт қилувчи мамлакатлар ташкилоти (ОПЕК) ҳамда ОПЕК+ келишувидан чиққанини эълон қилган эди.
1968 йилда ташкил этилган ОАПЕК ОПЕКдан фарқли равишда нефть қазиб олиш квоталари ёки нархларни белгилаш билан шуғулланмайди. Ташкилот асосан аъзо давлатлар ўртасида нефть саноатининг иқтисодий йўналишлари бўйича ҳамкорликни ривожлантиришга қаратилган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!