Кеча 3 май куни Республиканинг аксарият ҳудудларида кучли ёғингарчилик ҳолатлари кузатилди. Хусусан пойтахт бўйлаб ҳам кучли ёмғир ёғди. Натижада ижтимоий тармоқларда “Чорсу” метро бекатига тегишли ҳудудни сув босгани акс этган видеолар тарқалди. Мазкур ҳолат юзасидан ФВВ расмий муносабат билдирди.

“Шу соатларда, ижтимоий тармоқларда кучли ёмғир натижасида сув оқимлари “Чорсу” метро бекати томон оқиб келаётгани акс этган кадрлар тарқалди. Таъкидлаш жоизки, сувнинг катта қисми ирригация-дренаж тизими орқали табиий равишда чиқиб кетган.

Сув тўпланишининг олдини олиш мақсадида Тошкент шаҳар Фавқулодда вазиятлар бош бошқармаси куч ва воситалари жалб этилди. Айни вақтда метро бекати штат режимида ишламоқда, поездлар белгиланган жадвал асосида ҳаракатланмоқда”, – дейилади ФВВ хабарида.

• Метро
• Тошкент
• yomg‘ir