Олимлар Perseverance роверидан олинган маълумотларга асосланиб, Марс юзасида органик моддалар кенг тарқалган бўлиши мумкин, деган хулосага келишди. Қурилма қадимги даврларда улкан сув омборининг туби бўлган деб ҳисобланган кратерда ишлайди.

Спектроскопик таҳлил кўплаб жинсларда углеводород молекулаларининг мавжудлиги белгиларини аниқлади. Бундан ташқари, у молекулаларнинг ҳар хил турлари ва концентрациясини кўрсатди.

Илгари Curiosity ровер Гейл кратерида органик молекулаларни кашф этган эди. “Биз Жезеро кўли кратери тубидаги турли жинслардаги ароматик органик молекулаларга мос келадиган сигналларни топдик”, – деди Калифорния технология институти астробиологи Сунанда Шарма.

Олимлар камида тўрт хил турдаги флоресан сигналларни ва органик моддаларни кўрсатиши мумкин бўлган уч турдаги комбинацияланган сигналларни аниқладилар.

Углеродга асосланган молекулалар ҳаётнинг белгиларидан бири ҳисобланади. Уларнинг мавжудлигини Марснинг яшашга яроқлилигининг рад этиб бўлмайдиган исботи деб бўлмайди, чунки бу молекулалар биологик бўлмаган жараёнлар натижасида ҳам ҳосил бўлиши мумкин. Тоғ жинсларининг бундай молекулаларни ушлаб туриш қобилияти ҳам тадқиқот учун муҳимдир.

• Lifestyle
• Mars
• қизиқарли