Профессионал астрофотограф Жейсон Перри “Юно” зондининг янги маълумотлари туфайли олинган Юпитернинг йўлдоши – Ионинг батафсил суратларини эълон қилди.

Қайд этилишича, ушбу суратларнинг барчаси 1 март куни “Юно” сунъий йўлдошининг парвози пайтида олинган, шунинг учун сиртдаги ўзгаришлар минималдир. Суратлар 51,5 дан 65 минг километргача бўлган масофадан олинган.

Шунингдек, муаллиф иккита қайта ишланган фотосуратни тақдим этди. Биринчиси, у максимал тафсилотларга эга тасвирни яратиш учун “Юно” камерасидан олинган иккита расмдан фойдаланган.

Иккинчи фотосуратда қанча манба борлиги аниқ эмас. Аммо муаллифнинг ёзишича, ушбу тасвирнинг ҳар бир пиксели узунлиги 34 километрга тўғри келади. Ўлчовни тасаввур қила оласизми?

Иккинчи фотосуратга берилган изоҳларда олимлар “Юно” камерасидан олинган асл тасвирда қайта ишланган фотосуратда қора рангга айланган иккита қизил нуқтани пайқашди. Фотосуратчининг сўзларига кўра, бу шунчаки қизил филтр туфайли юзага келган тасвир нуқсони, уни қайта ишлаш жараёнида йўқ қилиш керак бўлган.

Ионинг навбатдаги ҳаракати жорий йилнинг 16 май куни тахминан 35 000 километр масофадан кутилмоқда, бу эса янада батафсил тасвирларни тақдим этиш имконини яратади.

• Astronomiya
• Fotografiya
• Yupiter