Жумладан, Президент Администрацияси раҳбарининг биринчи ўринбосари Сергей Кириенко, Президент матбуот котиби ва Администрация раҳбари ўринбосари Дмитрий Песков, Стратегик шериклик ва ҳамкорлик бошқармаси бошлиғи Вадим Титов, Жамоат лойиҳалари бошқармаси бошлиғи Сергей Новиков ҳамда АКТ ва алоқа инфратузилмасини ривожлантириш бошқармаси бошлиғи Татяна Матвеева билан мулоқотлар ташкил этилди.

Шунингдек, Россиянинг етакчи жамоат ва ёшлар ташкилотлари, креатив индустрия ҳамда медиа соҳаси вакиллари билан ҳам учрашувлар бўлиб ўтди.

Музокаралар давомида профессионал алоқаларни мустаҳкамлаш, матбуот хизматлари, таҳлилий марказлар ва фуқаролик жамияти институтлари ўртасидаги ҳамкорликни кенгайтириш, шунингдек, қўшма таълим ва малака ошириш дастурларини йўлга қўйиш истиқболлари муҳокама қилинди.

Ташриф доирасида бошқарув кадрларини тайёрлаш бўйича илғор тажрибага эга “Сенеж” бошқарув устахонаси фаолияти билан ҳам яқиндан танишилди. Марказнинг замонавий ёндашувлари ва таълим методикалари делегация аъзоларида катта таассурот қолдирди.

Учрашувлар якунлари медиа ва коммуникациялар соҳасида конструктив ҳамкорликни ривожлантириш, тажриба алмашишни фаоллаштириш ҳамда истиқболли қўшма лойиҳаларни амалга ошириш борасида томонларнинг ўзаро манфаатдорлигини намоён этди.