Ижтимоий тармоқларда аёл йўлнинг қатнов қисмига ётиб олганлиги акс этган видео тарқалиб турли муҳокамаларга сабаб бўлди. Мазкур ҳолат юзасидан расмий маълумот берилди.

Жорий йилнинг 25 июль куни тахминан соат 08:00 ларда Яшнобод тумани, Бешариқ кўчасида, 1976 йилда туғилган Е.А., маст ҳолатда бўла туриб, йўлнинг қатнов қисмига ётиб олган. У жамоат жойида жамиятда юриш-туриш қоидаларини қасддан менсимасдан, транспорт воситаларининг эркин ҳаракатланишига халақит берган. Фуқаро билан суҳбатлашилганда, у спиртли ичимлик таъсирида эканлиги аниқланган. Сўнгра ички ишлар ва тиббиёт ходимлари томонидан 4-Шаҳар клиник шифохонаси ҳудудидаги ҳушёрхонага олиб борилган. 

Мазкур ҳолат юзасидан Яшнобод тумани ИИО ФМБ томонидан терговга қадар текширув ўтказилмоқда. Текширув натижаларига кўра, қонунчиликда белгиланган тартибда қонуний қарор қабул қилиниши таъминланади.

• ИИБ
• ИИББ
• Тошкент