Жорий йилнинг 14 июль куни “Кунг-Фу Панда: Аждарҳо рицари” мультфильмининг премьераси бўлиб ўтди. Бу панда По ҳикоясининг биринчи давоми эмас: учта тўлиқ метражли фильмдан ташқари, турли йилларда бу қаҳрамон ҳақида сериаллар ва қисқа метражли фильмлар суратга олинган. Аммо ҳар бир янги лойиҳа аввалгисидан ёмонроқ кўринаверади ва “Кунг-Фу Панда: Аждарҳо рицари” ҳам бундан мустасно эмас эди. Эндиликда “Netflix” мультфильм меросини йўқ қилишни ўз “зиммасига олди”.

Сериалнинг сюжети оддий: ёвуз одамлар қишлоққа ҳужум қилиб, сеҳрли қўлқопни ўғирлаб кетишади ва По уларни тўхтата олмайди. Бунинг учун император пандани Аждаҳо жангчиси унвонидан маҳрум қилади, чунки жиноятчилар ўғирланган буюм ёрдамида Хитойни йўқ қилишлари мумкин. По ўзининг энг яхши номини қайтариш учун ёмон одамларни топишга ва сеҳрли қуролларни олиб келишга қарор қилади. Англиялик айиқ-рицар Уондеринг Блэйд панданинг ёрдамчисига айланади.

“Кунг-Фу Панда: Аждарҳо рицари” мультсериалининг камчиликлари нимада?

Мультфильм аввал яратилган трилогиядан деярли ҳеч нарса ўзлаштирмаган, гарчи у қизиқарли топилмалар омбори бўлса ҳам. Бунинг ўрнига янги “Кунг-Фу Панда” ихтиро қилинади, бу эса қизиқарли мустақил томоша бўла олмайди.

Мантиқсиз сюжет

Эсингизда бўлса, По сеҳрли қўлқопни ўғирлаган жиноятчиларни тўхтата олмайди ва бунинг учун “Аждарҳо жангчиси” унвонидан маҳрум бўлди. Агар фильмнинг уч қисмини эътибор билан томоша қилмаган бўлсангиз, бу ҳолат сиз учун мантиқийдек туюлиши мумкин.

Гап шундаки, “Аждарҳо жангчиси” унвони ҳужжат ёки сертификат тарзида берилмаган. По жангчиликка йиллар давомида устози – Шифу бошчилигида тайёрланади, чунки у саройга келганида башорат амалга ошади ва бу Кунг Фу Панданинг биринчи қисмида содир бўлади. Иккинчи ва учинчи қисмлар По Аждар жангчиси эканлиги билан боғлиқ бўлиб, унинг мақоми ўзгармасдир.

Биринчи эпизодда Блэйд ўғриларни қўлга олишда ёрдам бериш учун Понинг олдига келади. По эса ушбу бритпниялик айиқни жиноятчилардан бири, деб ўйлайди ва хато қилади, шундан кейин қаҳрамонлар жанг қилишади. Аммо бу жараёнда улар талашадиган ҳеч нарсаси йўқлигини тушуниб, суҳбатга ўтишади. Блэйд ўғриларнинг орқасидан боришини ва Пога ёрдам бериш учун кўнгилли жангчи эканлигини исботлайди. Шунда қаҳрамон ёрдамга муҳтож эмаслигини айтади, чунки у доимо ёлғиз ишлашини маълум қилади.

Ёмон анимация

“Кунг Фу Панда”нинг биринчи қисми 2008 йилда чиқарилган. Ўшандан бери 14 йил ўтди, бу вақт ичида мультфильмлар олдинга катта қадам ташлади, ўша йилларнинг энг яхши технологияларини ҳозиргилари билан солиштириб бўлмайди.

Аммо “Netflix” мутлақо тасаввур қилиб бўлмайдиган тарзда асл филмдан кўра эскироқ кўринадиган фильм яратди. Замонавий анимация имкониятларини намойиш этадиган роботларни “Netflix” маҳорат билан намойиш этиб келаётганини инобатга олсак, бу, айниқса, ғалати туюлади.

“Кунг-Фу Панда: Аждарҳо рицари” фильмида қаҳрамонлар ёғочдан ясалган. Катта фарқни кўриш учун трилогиянинг биринчи қисмидаги ҳар қандай эпизодни кўриб чиқиш кифоя. Асл мобилнинг қаҳрамонларигина эмас, балки уларнинг ҳар бири ўз услубига эга эди. Ғоз ва чўчқа бошқача ҳаракат қилади, панда йўлбарсга ўхшамайди ва ҳоказо.

Қаҳрамонларнинг юзлари билан бир хил муаммо мавжуд. Артикуляция ва овоз билан боғлиқ муаммолар бор, шунингдек ҳиссиётлар етказилмаган. Аниматорлар Понинг қиёфасини доимгидек ҳазилкаш ва ҳар бирр вазиятга реакция билдира оладиган қиёфада яратишган, бироқ шеригининг юзи ҳис-туйғуларни умуман ифодаламайди. Баъзан у буни ниқоб ортига яширади.

Янги салбий қаҳрамонлар

По ёрдамчиси Блэйд билан Хитойни қутқариш учун кетади. Англиялик рицар қиз кўринишидан “Тахтлар ўйини” фильмидаги Бриэнна Тарфнинг нусхасига ўхшайди. Бу нафақат ташқи кўринишга, балки хатти-ҳаракатларга ҳам тегишли – у совуқ қиёфали, сокин ва ўта жиддий. Аммо агар Бриэнна катталар драмасининг мураккаб қаҳрамони бўлса, у ҳолда Бэйд зерикарли комедик мультфильм қаҳрамони бўлиб чиқади.

Бундан ташқари, унинг жинси шахсий хусусиятлардан кўра кўпроқ роль ўйнайди. Масалан По ва Блэйд ўртасидаги суҳбатда аёл жангчилар қандай қилиб рицар бўла олиши ҳақида гап кетади.

Икки ариқ сичқони ёвуз қаҳрамон сифатида ҳаракат қилади. Улар маккор, лекин жуда оддий. Асл трилогияда ёвуз одамлар сирли ва мураккаб тақдирларга тўла эди, аммо улар ўзларини ёш болалар каби тутадилар.

Янги қаҳрамонлар муаммоси нафақат хатти-ҳаракатларида, балки ташқи кўринишида ҳам мавжуд бўлиб, улар бошқа мультфильм қаҳрамонларига ўхшайди.

Анимациянинг афзалликлари нимада?

“Кунг-Фу Панда” ҳали ҳам кулгили бош қаҳрамон мавжуд бўлган кулгили шоу. Панданинг яккахон саҳналари ҳақиқатан ҳам асл трилогияни эслатади, бу франчайзинг эса мухлисларига ёқади.

Бу сифатли мултфилмнинг давоми эканлигини ҳисобга олсак, фақат битта ижобий хусусиятнинг мавжудлигини муваффақиятсизлик сифатида баҳолаш мумкин.

Шу билан бирга, диалоглар зерикарли бўлиб чиқди, Понинг бошқа қаҳрамонлар билан мулоқоти унчалик қизиқ эмас. Янги қаҳрамонлар мустақилликдан маҳрум: По ҳазиллашганида, қолганлари манекен бўлиб хизмат қилади.

“Кунг-Фу Панда: Аждарҳо рицари” томоша қилишга арзийдими?

Эҳтимол, бундай давоми билан ўзингизни қийнагандан кўра, асл трилогияни қайта кўриб чиқиш яхшироқдир. Ҳа, По ҳали ҳам кулгили, лекин ҳозир унинг атрофида ёрқин ва қизиқарли дунё эмас, балки зерикарли қаҳрамонлар билан хиралашган анимация мавжуд.

Фильм болаларга ёқадими, бу алоҳида савол. Трилогиянинг узоқ вақтдан бери ишқибози бўлган болалар учун бу шунчаки асл нусхани масхара қилиш бўлади холос.

По ролини аввалги йилларда бўлгани каби Жек Блэк овозлаштирган. Анжелина Жоли ва Жеки Чан овоз берган йўлбарс ҳамда маймун сингари қаҳрамонлар ушбу фильмда мавжуд эмас.

• Болалар боғчаси
• Kung-Fu Panda
• Мултфильм