Чақалоқларнинг туғилаётган вақтларида йиғлаб дунёга келишлари уларнинг соғлом эканлигидан дарак беради. Ота-оналар болалар йиғисига тез орада ўрганиб ҳам қолишади. Агар диққат билан эътибор берсангиз, чақалоқлар йиғлаган вақтларида уларнинг кўзларидан ёш чиқмайди.
Ёш томчилари кўзларни ҳимоя қилиш ва уларнинг табиий намлигини сақлаб туриш учун керак. Биз кучли ҳис-туйғулар, ғам-алам, ғазаб, ҳаттоки бахтли онларни бошдан кечирганимизда кўз ёш тўкишимиз мумкин.
Мутахассисларнинг айтишларича, кўз ёшларнинг тўкилишига кўп ҳолларда вақтинчалик стресс сабаб бўлади. Ҳаётнинг мураккаб даврларида тўкиладиган кўз ёшлар организмга енгиллик ҳиссини беради.
Чақалоқларда эса кўз ёш каналлари ҳаётнинг илк даврида ишга тушиб улгурмаган бўлади. Улар кўзларни намлантириб туриш учун етадиган ёшни ишлаб чиқаради, аммо умумий миқдор томчиларни ҳосил қилиш учун етарли бўлмайди. Чақалоқларда кўз ёшлар 3-4 ҳафтада, баъзан эса 2 ойгача бўлган даврда ҳосил бўлишни бошлайди.
Чақалоқларнинг териси ҳам ҳаддан ташқари қуруқ бўлади. Ҳаво қанчалик иссиқ бўлмасин, улар кўз ёш тўка олмаганлари каби терлай олмайдилар. Сабаби тер безлари ҳам аста-секинлик билан ишла тушади. Илк ҳафтада тер томчилари чақалоқларнинг фақатгина пешона қисмида пайдо бўлиши мумкин.
Болалар терлай олмаганлари сабабли исиб кетган вақтларида тери юзаси қизаришни бошлайди, нафас олиши тезлашади, қўл ва оёқлар ҳаракати сусаяди. Бундай ҳолатда хонани шамоллатиш, болани қалин кийимлардан халос қилиш тавсия этилади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!