4 июнь куни Ўзбекистон Республикаси Олий судининг кассация ҳайъати Каттақўрғон тумани Давлат солиқ инспекцияси бошлиғи ўринбосари Азиз Ахмедов ишини кўриб чиқди. Бу ҳақда Ўзбекистон инсон ҳуқуқлари Эзгулик жамияти раиси ўзининг Facebook’даги саҳифасида маълум қилди.

Унга кўра, солиқ инспектори ЙПХ ходимларининг зўровонлиги натижасида вафот этган, АҚШдаги Жорж Флойд ҳодисасига ўхшаш бу иш учун инспектор Меҳриддин Қўчқоров ва яна бир шериги шу йил 31 январда 2 йиллик манзил колонияга ҳукм қилинганди.

Маълум бўлишича, шу кунда Қўчқоров озодликка чиқарилган ва икки нафар ходимнинг жавобгарлиги масаласи эса энди ўрганилмоқда. Олий суднинг кассация ҳайъати чиқарилган ҳукмни бекор қилди ва ишни апеллация судига қайтарди. Иш Самарқанд судида қайта кўрилади.

ИИВ ҳодисадан бир кун ўтиб, боди камералардаги тасвирларни монтаж қилиб, солиқчи Азиз Ахмедовнинг ўзини айбдор қилиб кўрсатган, кейинчалик зўровонлик фош бўлган, дея ёзади Эзгулик жамияти раиси.

Эслатиб ўтамиз, 2021 йилнинг 10 июнига ўтар кечаси 4 нафар ЙПХ ходими солиқчи Азиз Ахмедовни бўғиб турган ва натижада у вафот этган.

• Жиноят
• Олий суд
• Самарқанд
• Солиқ
• «Эзгулик» жамияти