Озиқ-овқатдан заҳарланишининг дастлабки белгиларида бемор ошқозонини бўшатиш учун уни ювиш керак. Ювиш учун қоғоз фильтр ёки тўрт қатламли докадан ўтказилган калий перманганатнинг (марганцовка) кучсиз (оч пушти) эритмаси ишлатилиши мумкин.

Бундан ташқари, истеъмол содаси эритмаси (1 литр қайнатилган сув учун 1 чойқошиқ) ёки ош тузи (5 литр сув учун 2 ошқошиқ) ҳам тўғри келади.

Ювиш учун эритма олдиндан 8-10 литр миқдорда тайёрланиши керак. У организмнинг гипотермиясига олиб келмаслиги, шунингдек ичак перистальтикасини секинлаштирмаслиги учун албатта илиқ (35-37 даража ҳароратда) бўлиши керак.

Биринчи қабул қилишда 2-3 дан 5-6 стакан суюқликни ичиш керак, сўнгра икки бармоқ билан тилнинг илдизини қўзғатиб, қайт қилишни чақириш керак. Ювиш жараёни қайт массасида фақат тоза сув бўлмагунича такрорланади.

Биринчи кун овқатланишдан сақланган яхшироқдир, иккинчи куни эса булён, гуручли, сабзавотли шўрвалар киритиш ва таомномани аста-секин кенгайтириш мумкин.

Тўлиқ тузалиб кетгунга қадар ошқозон шиллиқ қаватини қўзғатиш хусусиятига эга бўлган маринадланган, аччиқ, шўр ва дудланган маҳсулотларни истеъмол қилишдан қочиш керак.

Беморга қайнатилган сув, аччиқ қилиб дамланмаган ширин чой, мевали морслар, кисель ичиш тавсия этилади. Газланган ичимликлар мумкин эмас.

Манба: “Шифо-инфо” канали

• Фойдали
• Tez tibbiy yordam
• Тиббиёт
• саломатлик