Олимлар Ойдаги чуқурлар ва ўртача ҳароратли ғорларда яшаш мумкинлигини тахмин қилишмоқда.

Маълумки, Ой юзаси 120 даражагача қизиши ва -170 даражагача совиши мумкин. Аммо, олимларнинг ҳисоб-китобларига кўра,Ойдаги ғорларда ҳаёт учун мос ҳарорат ҳукмронлик қилади.

Шунингдек, ғорлар космонавтларни қуёш радиацияси, космик нурлар ва кичик метеоритлардан ҳимоя қилиш каби муҳим вазифаларни ҳам бажариши мумкин.

Тадқиқотчилар тоғ жинслари ва ой чангларининг иссиқлик хоссаларини таҳлил қилиш ва чуқурдаги ҳароратни маълум вақт оралиғида ҳисоблаш учун компютер симуляцияларидан фойдаланганлар. Натижалар шуни кўрсатдики, қуёш нурлари тушмайдиган жойларда ҳарорат 17 даража атрофида қолади. Олимларнинг таъкидлашича, бундай табиий бошпаналарнинг мавжудлиги ойда янги тадқиқотлар ўтказиш учун жуда муҳим бўлиши мумкин.

• Коинот
• Космонавтлар
• kosmos
• қизиқарли